#總會復原吧
.
每次失戀，我哋都好容易會有一個盲點：我哋曾經咁投入、一齊經歷過咁多事，傷口無可能會好得翻；唔會再搵到一個好過佢嘅人，就算有我哋都冇可能再好似以前咁投入去愛一個人。
正正係呢一啲盲點，令我哋覺得失去左前度好似個天要跌落嚟咁大件事，將傷痛無限放大，每日以淚洗面。 .
.
「總會復原吧 痛快得快樂嗎」
相信大部份人只要冷靜一段時間，可能係幾個月或者一年，就會知道其實前度都只不過係一個普通人；佢冇你想像中咁好，可能仲有好多缺點、對你好差，你發覺街上任何一個人似乎都可以輕易取代到佢。 .
.
「忍痛著切磋 只貪求下個 更好過」
係呢一段期間你亦都反思自己嘅表現，當朋友問你其實你需要啲咩，想搵個點樣嘅人？你心入面一早已經有答案。你希望下一個會係你最後一個，雖然現實未必如你所願，但你都會努力去學習點樣去經營一段關係。 .
.
「我們也應感激這些 愛的代價」
被分手嘅當下，可能你會好討厭前度拋棄你；事過境遷，你會多謝佢及早結束呢一段錯誤嘅關係。你唔需要憎佢，亦都無必要同佢保持聯絡做朋友，用陌生人就正好形容你同佢嘅關係。 .
.
「告別我的戀人們 其實你聽得到嗎」
歌曲：告別我的戀人們
歌手：古巨基
作詞：林夕
作曲：陳輝陽
#hkword #hkmusic #hkpop #cantopop #Leoku #古巨基 #古巨Van #林夕 #陳輝陽 #夕陽組合 #亂世情侶 #粗茶淡飯 #初心 #太空艙 #子華說 #致少年時代 #愛與誠 #必殺技 #愛得太遲 #愛回家 #心跳回憶 #告別我的戀人們 #戀無可戀 #一生何求 #明星 #星戰 #重複犯錯 #勁歌金曲 #情歌王
Search